JANA WAFANYIKA UZINDUZI WA CHEZA KWA MADOIDO NDANI YA DAR LIVE

Yamoto Band wakizindua rasmi video yao mpya inayofahamika kwa jina la Cheza kwa Madoido katika Ukumbi wa Dar Live uliopo Mbagala, Zakhem jijini Dar es Salaam usiku wa kuamkia leo.

 Wasanii wa Yamoto Band, Enock Bella (wa kwanza kushoto) akifanya yake na Aslay (kulia).(P.T)

Msanii wa Bongo Fleva, Hellen George 'Ruby' akifanya yake stejini.

...Ruby akiimba wimbo wake 'Na Yule'.

Msanii wa Bongo Fleva,  Shetta akitoa burudani kwa mashabiki wake.

Shetta akiendelea kuwapa burudani mashabiki zake.

Chegge na Temba wakikamua stejini.

...Chege akiendeleza makamuzi.

Queen Darleen akitoa burudani kwa mashabiki wake.

Makamuzi yakiendelea ndani ya Ukumbi wa Dar Live.

Mwimbaji wa Moyo Modern Taarab akiimba jukwaani.

Bendi ya Moyo Modern Taarab ikitoa burudani.

Mpiga kinanda  wa Moyo Modern Taarab akifanya yake.

Madansa wakifanya yao ndani ya ukumbi wa Dar Live jana usiku.

VIJANA wanaounda Bendi ya Yamoto, usiku wa kuamkia leo wameangusha burudani ya aina yake katika Ukumbi wa Dar Live, Mbagala-Zakhem jijini Dar wakati vijana hao wakizindua rasmi video yao mpya inayofahamika kwa jina la Cheza kwa Madoido.

Kabla ya uzinduzi wa Cheza kwa Madoido, wasanii mbalimbali walipanda jukwaani kutoa burudani ikiwemo bendi mpya ya Taarab iitwayo  Moyo Modern Taarab inayomilikiwa na kiongozi wa Yamoto Band, Said Fela.

Wasanii mbalimbali wa chipukizi nao walipata nafasi ya kuonesha vipaji vyao kwa kuimba nyimbo mbalimbali ambapo wapenzi wa burudani waliburudika vya kutosha.

Katika listi ya wasani waliotumbuiza jukwaani ni pamoja na Ruby, Dulla Yeyo, Izeman huku Moyo Modern Taarab wakipagawisha na nyimbo zao kali zinazojulikana kama Haijalishi, Dongo la Gizani na Zetu Duwa.

Wengine waliokamua jukwaani ni Chegge, Temba, Queen Darleen, Shetta, Ditto na wengine kibao kisha uzinduzi wa Cheza kwa Madoido kufanyika katika ‘skrini’ kubwa kisha Yamoto Band kutumbuiza shoo kali

AWASHUKURU WATANZANIA BAADA YA KUPATA TUZO DIAMOND

Diamond akisikiliza masali kutoka kwa waandishi wa habari.

… Akijibu maswali.

…Bab Tale akiwakaribisha waandishi wa habari (hawapo pichani) muda mfupi kabla ya kuanza kwa mkutano huo.

Mmoja wa mameneja wa Diamond, Said Fella (Mkubwa na wanawe) akieleza jambo kwa waandishi wa habari.

Mwakilishi kutoka kampuni ya simu za mikononi ya Tigo, Hamza Dalla akifuatilia kwa makini kikao hicho.

….Akiwa ameshikilia tuzo yake baada ya kumalizika kwa kikao na waandishi wa habari.

Akiwa katika pozi ya la kufurahia tuzo hiyo.

Mwandishi wa habari wa Global Publishers, Brighton Masalu (kushoto) akiwa ameshikilia tuzo ya Diamond.

Diamond (katikati) akiingia ukumbini humo akiwa na mmoja wa mameneja wake, Bab Tale (mwenye shati jekundu).

Baadhi wa waadishi wa habari wakimfuatilia kwa umakini mkubwa.

SIKU chache baada ya kurejea nchini akiwa na tuzo ya Mtumbuizaji Bora wa kiume (Best Live Act), mfalme wa muziki wa Bongo fleva, Nasib Abdul ‘Diamond Platnumz’ amewashukuru Watanzania kwa moyo wa upendo waliouonesha kwa kumpigia kura na kumuwezesha kutwa tuzo hiyo.

Akizungumza na waandishi wa habari leo ndani ya Hoteli ya Ntansoma jijini Dar, pia  msanii huyo aliitaka serikali na makampuni binafsi kuwaunga mkono wasanii wachanga wanaotamani kuutangaza muziki wetu katika anga la kimataifa kutokana na kile alichokiita ugumu na changamoto nyingi.

JOKATE: ALI KIBA NDIO KIBOKO YANGU

Na Mabantanyau Family
MREMBO :mchakarikaji Bongo,  Jokate Mwegelo ‘Kidoti’, juzikati aliamua kuvunja ukimya na kusema kuwa mwanamuziki Ali Kiba kwa sasa ndiye kila kitu katika mambo yake mengi ya kimaisha.

Mrembo mchakarikaji Bongo,  Jokate Mwegelo ‘Kidoti’.

Akizungumza na Mabantanyau Jokate alisema, watu wanaongea sana kuhusiana na ukaribu wao bila kujua kuwa Kiba ni mtu wake kitambo na sasa ndiye kila kitu kwake kwani ana projekti naye kibao ambazo zinakuja na wasioelewa, ipo siku wataelewa.

Mwanamuziki Ali Kiba.  (DK)

“Yaani watu wangu wajue Kiba ni kila kitu kwangu ila siyo ishu ya mapenzi, tuna projekti kibao, nawaomba watu wavute subi--ra watajionea kila kinachoendelea kati yetu.Kuanzia sasa Kiba atakuwa akipeperusha ‘brand’ za Kidoti kwa kila atakachofanya ikiwa ni pamoja na mavazi,” alisema Jokate.

AJALI KUBWA YATOKEA YA BASI LA ABIRIA NA LORI LA FUSO LEO

Basi la abiria la NGANGA lililogongana na fuso na kuwaka moto

Basi hilo la Nganga likiteketea kwa moto

Gari la kubebea mizigo aina ya fuso likiwa linateketea kwa moto

Habari zilizotufikia punde zinasema watu kadhaa ambao idadi yao bado haijafahamika wanasemekana wamepoteza maisha baada ya basi la abiria liitwalo Nganga linalofanya safari zake kati ya Iringa na Kilombero kugongana uso kwa uso na lori aina ya Fuso na kisha magari hayo kuteketea kwa moto maeneo ya milimani kilomita kadhaa kutoka Ruaha Mbuyuni kuelekea Morogoro, majira ya saa mbili asubuhi leo. Pichani ni basi hilo la Nganga wakati na bada ya kuteketea kwa moto. Tunaendelea kufuatilia taarifa hizi na tutazileta mara zitapopatikana.

.YANGA YAITANDIKA MBEYA CITY 3 - 1 TAIFA

Mshambuliaji wa Yanga, Simon Msuva akiwatoka Mabeki wa Timu ya Mbeya City wakati wa mchezo wa ligi kuu Tanzania Bara uliochezwa leo kwenye Uwanja wa Taifa hivi sasa.Yanga imeishia Bao 3 - 1.

Kiungo Mchezeshaji wa timu ya Yanga, Haroun Niyonzima akiangalia kwa kupeleka mpira wakati wa mchezo wa ligi kuu Tanzania Bara uliochezwa leo kwenye Uwanja wa Taifa hivi sasa.Yanga imeishia Bao 3 - 1.

Kipa wa Mbeya City, Hanington Kalyesubula akiangalia mpira wavuni huku washabiki wa Yanga wakishangilia ushindi wao.

Wachezaji wa timu ya Yanga wakisangilia ushindi ushindi na washabiki wao.

Kipa wa yanga akiwa kazini tayari kabisa kujiandaa kuzuia mpira.

MGOMO WA MADEREVA WATIKISA NCHI

Mabasi ya Abiria yaendayo Mikoani yakiwa yameegeshwa tu kwenye maeneo yake katika Kituo kikuu cha Mabasi Ubungo jijini Dar.

Wakina mama hawa wakiwa wamemshikilia Mgonjwa wao waliekuwa wakimsafirisha kwente mkoani, wakiondoka stendi ya kuu ya Mabasi Ubungo baada kukosa usafiri kutokana na mgomo wa vyombo hiyo leo.

Huku Ubungo mambo yako namna hii, ni mwendo wa kupiga mguu tu.

Mijadala ikiendelea kwa wadau mbalimbali wanaofanya shughuli zao katika kituo kikubwa cha Mabasi cha Ubungo jijini Dar.

Mara lori likazuiliwa na watu hawa, wakidai kuwa amepakia abiria hivyo anatakuwa kuwashusha kama anataka kuendelea na safari yake.

Madereva wa Vyombo vya Usafirishaji katika maeneo mbalimbali hapa nchini, leo wameingia katika Mgomo wa kutotoa huduma hiyo, kwa kile kinachoelezwa Madereva hao kutakiwa kurudi vyuoni kwa mafunzo zaidi ya usalama barabarani.

Hali ya mgomo huo, umepelekea adha kubwa kwa abiria wa vyombo hivyo, hasa wale waliokuwa wakielekea mikoani, kwani katika Stendi kuu ya Mabasi ya Ubungo jijini Dar es salaam, hakuna basi hata moja lililoondoka huku daladala nazo zikiwa hazionekani kabisa vituoni.

Uongozi wa Madereva hao umeomba kukutana na Uongozi wa Juu Serikalini ili kulizungumzia swala hilo la kuwataka Madereva hao kurudi mafunzoni, kwani wao wanadai kuwa kazi wazifanyazo si za kudumu na hivyo watakaporudi mafunzoni hali ya maisha yao itatetereka

AJALI YAUWA WATU ZAIDI YA 50 LEO MAFINGA

                                          

                                                                                               BREAKING NEWS:

 Ajali imetokea changalawe Mafinga basi la Majinja lilikuwa linatokea Mbeya kwenda Dar limeangukiwa na kontena muda huu na watu wengi wanakadiriwa kufariki na hali ni mbaya sana
Watu wapatao 50 wanahofiwa kufa papo hapo baada ya basi hilo la Majinja Express kugongana na lori na kuangukiwa na kontena

MATUMLA JR. KUMVAA MKOREA MACHI 27 MWAKA HUU

Bondia mkongwe nchini Rashid Matumla, kutoka kushoto, Mohamed Matumla, Japhet Kaseba na Rais wa (TPBO), Yassin Abdallah 'Ustaadh' katika mkutano na waandishi wa habari (hawapo pichani).(P.T)

Baadhi ya waandishi wa habari wakimsikiliza kwa makini Rais wa TPBO, Yassin Abdallah 'Ustaadh'.

BONDIA wa ngumi za kulipwa nchini Mohamed Matumla Jr ambaye ni mtoto wa gwiji wa zamani wa mchezo huo, Rashid Matumla ‘Snake Boy’ anatarajia kupanda ulingoni Machi 27, mwaka huu katika Ukumbi wa Diamond Jubilee kugombania nafasi ya kwenda kushindania ubingwa WBF dhidi ya Mkorea, Wang Xi Hua.

Licha ya hivyo, Rais wa Oganaizesheni ya Ngumi za Kulipwa Tanzania (TPBO), Yassin Abdallah ‘Ustaadh’, amewataja mabondia wengine watakaopanda ulingoni siku hiyo, wakati akizungumza na waandishi wa habari leo jijini Dar, kuwa ni Japhet Kaseba atakayegombania ubingwa wa UBO Afrika dhidi ya Mada Maugo huku Thomas Mashali akitarajia kuwania ubingwa UBO  Afrika kilo 76 dhidi ya Karama Nyilawila